नेपाल प्रिमियर लिग (एनपीएल) क्रिकेटमा आज दुई रोमाञ्चक खेलहरू हुँदै छन्। पहिलो खेल बिहान ११:४५ बजे जनकपुर बोल्ट्स र शानदार लयमा रहेको विराटनगर किंग्सबीच हुनेछ। एक खेल गुमाइसकेको जनकपुरका लागि आजको भिडन्त ‘कमब्याक’ गर्ने अवसर हो, भने लगातार जितका साथ अघि बढिरहेको विराटनगर त्रिकोणीय जितको खोजीमा छ।
दोस्रो खेल दिउँसो ४ बजे सुदूरपश्चिम रोयल्स र कर्णाली याक्सबीच हुने छ। अहिलेसम्मका दुई खेलमध्ये एकमा जित निकालिसकेको कर्णाली आज दोस्रो जितको लक्ष्यमा उत्रिँदैछ। उता काठमाण्डु र पोखरालाई पराजित गरिसकेको सुदूरपश्चिम तीन खेलको लगातार जितको अभियानलाई जारी राख्न चाहन्छ।
चारै टोली पहिलो पटक एक–आपसमा भिड्न लागेकाले आजका दुवै खेलले लिग तालिकामा ठूलो प्रभाव पार्ने अनुमान गरिएको छ।
