कात्तिक ११ गते उपल्लो मुस्ताङका लोमान्थाङ, कोरलानाका, मुक्तिनाथलगायत क्षेत्रमा पहिलो पटक बाक्लो हिउँ परेको छ। बिहानैदेखि जारी हिमपातका कारण मन्दिर दर्शन गर्न जाने भक्तजनलाई कठिनाइ भएको छ। करिब ५–६ इन्चसम्म हिउँ जमिसकेको छ र अझै पनि हिमपात जारी छ।
स्थानीय प्रतिनिधिहरूका अनुसार कात्तिकमै हिउँ पर्नु किसानका लागि शुभ संकेत हो, जसले माटो सिञ्चित भई बाली उत्पादनमा फाइदा पुर्याउँछ।
यसैबीच, बाक्लो हिउँका कारण सडक चिप्लो भएकोले प्रशासनले कागबेनीदेखि मुक्तिनाथसम्मको यात्रा नगर्न अनुरोध गरेको छ।
