धनगढी — हिमशिखर बहु–उद्देश्यीय सहकारी संस्था लिमिटेड, धनगढी–५, कैलाली राष्ट्रिय सहकारी नियमन प्राधिकरणमा दर्ता भएको छ। बचत तथा ऋणलाई मुख्य कारोबारका रूपमा सञ्चालन गर्दै आएको उक्त सहकारी “सहकारी संस्थाको दर्ता तथा अभिलेखीकरण मापदण्ड, २०८२” को दफा ४ बमोजिम प्राधिकरणमा विधिवत रूपमा दर्ता भएको हो।
सहकारी दर्ता भएसँगै संस्थाले कानुनी मान्यता प्राप्त गर्दै आफ्नो सेवा विस्तारलाई अझ प्रभावकारी बनाउने अपेक्षा गरिएको छ। स्थानीयस्तरमा बचत संकलन र ऋण प्रवाहमार्फत आर्थिक गतिविधि सुदृढ गर्न सहयोग पुग्ने विश्वास गरिएको छ।
