दार्चुला जिल्लाको सबैभन्दा विकट स्थानीय तह मानिने अपिहिमाल गाउँपालिका जिल्लामै कार्यसम्पादन मूल्याङ्कनमा प्रथम भएको छ।
राष्ट्रिय प्राकृतिक स्रोत तथा वित्त आयोगले बिहीबार सार्वजनिक गरेको स्थानीय तहको कार्यसम्पादन मूल्याङ्कनअनुसार अपिहिमाल गाउँपालिकाले ७६.१४ अङ्क प्राप्त गर्दै दार्चुला जिल्लामा पहिलो तथा **सुदूरपश्चिम प्रदेश**मा दोस्रो स्थान हासिल गरेको हो।
मूल्याङ्कनमा मार्मा गाउँपालिका ६५.६२ अङ्कसहित दोस्रो स्थानमा रहेको छ भने महाकाली नगरपालिका ५९.६३ अङ्कसहित तेस्रो स्थानमा पुगेको छ।
त्यसैगरी, लेकम गाउँपालिका ५८.३९ अङ्कसहित चौथो, नौगाड गाउँपालिका ५७.८० अङ्कसहित पाँचौँ, मालिकार्जुन गाउँपालिका ५७.१६ अङ्कसहित छैटौँ, दुहुँ गाउँपालिका ५७.४९ अङ्कसहित सातौँ र शैल्यशिखर नगरपालिका ४६.५२ अङ्कसहित आठौँ स्थानमा रहेका छन्।
जिल्लाकै सबैभन्दा कमजोर कार्यसम्पादन गर्ने स्थानीय तहका रूपमा व्याँस गाउँपालिका देखिएको छ, जसले ३७.८५ अङ्क मात्र प्राप्त गरेको छ।
