बैतडी – बैतडीमा भएको बस दुर्घटनामा ज्यान गुमाउनेको संख्या १३ पुगेको छ ।
दुर्घटनाका घाइतेमधये गएराति थप पाँच जनाको ज्यान गएको प्रहरीले जनाएको छ ।
बैतडीको पुर्चौडी नगरपालिका–७ भवनेबाट जन्ती बाेकेर बझाङको सुनकुडातर्फ जाँदै गरेको सुप प्र ०२ ००१ ख १११९ नम्बरको बस हिजो राति पुर्चौडीको बडगाउँ मोडमा पल्टिएको थियो ।
दुर्घटनामा ८ जनाको घटनास्थलमै ज्यान गएको थियो । राति थप पाँच जना घाइतेकाे ज्यान गएपछि मृतककाे संख्या १३ पुगेकाे प्रहरीले जनाएकाे छ ।
घटनास्थलमै मृत्यु हुने ८ जना:
केशबराज जोशी, ४० वर्ष – बझाङ बित्थडचिर गाउँपालिका-७
अशोकराज जोशी, १३ वर्ष – बझाङ बित्थडचिर गाउँपालिका-७
वसन्त जोशी, ३५ वर्ष – बझाङ बित्थडचिर गाउँपालिका-७
विसनदत्त जोशी, ४१ वर्ष – बझाङ बित्थडचिर गाउँपालिका-७
मोहनदेव भट्ट, ६० वर्ष – बझाङ केदारस्यू गाउँपालिका
बशन्तराज रतला, ४० वर्ष – जयपृथ्वी नगरपालिका, बझाङ
पुष्पा अवस्थी, ४० वर्ष – बैतडी पुर्चौडी–७
डडेल्धुरा अस्पतालमा मृत्यु हुने ५ जना:
बिसन दत्त जोशी, १७ वर्ष – बझाङ बित्थडचिर गाउँपालिका-७
दीपक राज जोशी, २८ वर्ष – बझाङ बित्थडचिर गाउँपालिका-७
किसन दत्त जोशी, ४६ वर्ष – बझाङ बित्थडचिर गाउँपालिका-७
केशव राज भट्ट, २७ वर्ष – केदारस्यू गाउँपालिका–७
शुसिल जोशी, १५ वर्ष – बैतडी पुर्चौडी–७
प्रहरीका अनुसार दुर्घटनामा अझै ३४ जना घाइते छन् । तीमध्ये केहीको अवस्था अझै गम्भीर रहेकाे छ ।
घाइतेहरूको बझाङ , डडेलधुरा र धनगढीका अस्पतालमा उपचार भैरहेको बताइएको छ ।
बेहुला–बेहुली भने अर्को गाडीमा सवार हुनाले सकुशल रहेका छन्।
चालकलाई नियन्त्रणमा लिइएको र दुर्घटना बारे थप अनुसन्धान भैरहेकाे प्रहरीले जनाएकाे छ ।
