सुदूरपश्चिमेली माटोको सुवास, देउडाको मौलिक स्वाद र प्रेमको कथालाई एउटै लयमा बाँधेर ‘पिरतीको खेती’ बोलको देउडा गीत सार्वजनिक गरिएको छ।
हर्क पाल (अनुप) र रेखा जोशीको मन छुने स्वर, राजेन्द्र शाह ‘बिपी’का भावपूर्ण शब्द र बिनोद बाजुरेलीको कर्णप्रिय संगीत र एरेन्ज ले गीतलाई अझै सशक्त बनाएको छ। भीम थापाको आकर्षक निर्देशनले गीतलाई श्रव्य मात्र होइन, दृश्यात्मक रूपमा पनि उत्कृष्ट बनाएको छ।
म्युजिक भिडियोमा राजकुमार सिंह, मनिषा रावल, शान्ति बिष्ट लगायत कलाकारहरूको जीवन्त अभिनय देख्न सकिन्छ। अमृत उपाध्यायको छायाङ्कन र खप्तड फिल्म्सको दृश्य निर्माणले गीतलाई अझै आकर्षक बनाएको छ।
मौलिक देउडा र प्रेमिल भावनाको संगम ‘पिरतीको खेती’ हेर्न र सुन्नुहोस्, अहिले नै खप्तड डिजिटल म्युजिकको युट्युब च्यानलमा।
