कञ्चनपुरका डेउडा गायक लक्ष्मण अधिकारी (दुवैको लाहुरे)को छैटौँ गीत ‘होइन भिनाजु’ सार्वजनिक गरिएको छ। यसअघि उहाँका ‘दुवैको लाहुरे’, ‘रुपश्या रानीचडी’, ‘बढ्डो र लाहुरे’, ‘कम्मर लड्काई लट्काई’ र ‘क्याम्पस्या छिट्टो’ गीतहरू दर्शक–श्रोतामाझ आइसकेका छन्।
नयाँ गीत ‘होइन भिनाजु’ मा लक्ष्मण अधिकारी (दुवैको लाहुरे) र रेखा जोशीको स्वर रहेको छ। गीतको शब्द लक्ष्मण अधिकारीकै, लय राजेन्द्र बीपी शाहको र एरेञ्ज बिनोद बाजुरेलीले गर्नुभएको छ।
भिडियोतर्फ भीम थापाको निर्देशन रहेको छ भने लक्ष्मण अधिकारी र उर्मिला कुँवरको अभिनय देख्न सकिन्छ। भिडियोको छायांकन अमृत उपाध्यायले गर्नुभएको हो।
गीतको भिडियो खप्तड डिजिटल म्युजिकको युट्युब च्यानलमार्फत सार्वजनिक गरिएको छ। लोकसंस्कृति र मनोरञ्जनलाई समेटिएको यो गीतले दर्शक–श्रोताबाट राम्रो प्रतिक्रिया पाउने अपेक्षा गरिएको छ।
