धनगढी । हालै सम्पन्न निर्वाचनबाट चयन भएको कैलाली उद्योग वाणिज्य संघको नयाँ कार्यसमितिले आफ्नो पहिलो बैठकमै व्यवसायीहरूको हितमा ऐतिहासिक निर्णय गरेको छ।
आज सपथग्रहणपछि बसेको पहिलो बैठकले संघमा नविकरण भएका सबै व्यवसायी सदस्यहरूको एक लाख रुपैयाँसम्मको दुर्घटना बीमा गर्ने निर्णय गरेको अध्यक्ष पुष्कर ओझाले जानकारी दिए।
उनका अनुसार, संघले अबदेखि सदस्य व्यवसायीहरूको सुरक्षालाई प्राथमिकता दिने र उनीहरूका समस्यामा सक्रिय रुपमा सहयोग गर्ने प्रतिबद्धता जनाएको छ।
त्यससँगै, कार्यसमितिको बैठक हरेक महिनाको ५ गते नियमित रूपमा बस्ने निर्णय पनि गरिएको छ।
