काठमाडौँ – नेपाली राष्ट्रिय पुरुष फुटबल टोलीका मुख्य प्रशिक्षक म्याट रसले पदबाट राजीनामा दिएका छन् । अखिल नेपाल फुटबल सङ्घ (एन्फा) का अनुसार अष्ट्रेलियाली प्रशिक्षक रसले गत फागुनमा एन्फासँग एक वर्षका लागि सम्झौता गरेका थिए, तर करिब आठ महिनामै पद त्याग गरेका हुन् ।
एन्फाका महासचिव किरण राईका अनुसार राजीनामाको कारणबारे पछि जानकारी दिइनेछ । रसको प्रशिक्षणमा नेपालले सात अन्तर्राष्ट्रिय खेल खेलेको थियो, जसमा एकमा जित, दुईमा बराबरी र चार खेलमा पराजय भएको थियो । उनको प्रशिक्षणमा नेपालले पहिलो खेलमै सिङ्गापुरलाई हराएको थियो ।
बैतडी । बैतडीको शिवनाथ गाउँपालिकाबाट मेलालीतर्फ आइरहेको यात्रुवाहक जीप दुर्घटना हुँदा एक जनाको मृत्यु भएको छ भने चार जना घाइते भएका छन्।
से १ ज ७३२ नम्बरको उक्त जीप मेलौली नगरपालिका–७ स्वाखानी भन्ने स्थानमा गए राति अनियन्त्रित भएर सडकबाट खस्दा दुर्घटना भएको प्रहरीले जनाएको छ। दुर्घटनामा गम्भीर घाइते भएकी मेलौली नगरपालिका–२ की २३ वर्षीया तुलसी पाण्डेयको केशरपुर प्राथमिक स्वास्थ्य केन्द्रमा उपचारका क्रममा केहीबेर अघि मृत्यु भएको जिल्ला प्रहरी कार्यालय बैतडीका प्रवक्ता बल्देव बडूले जानकारी दिए।
दुर्घटनामा अन्य चार जना घाइते भएका छन्। उनीहरूलाई प्रारम्भिक उपचारपछि थप उपचारका लागि डडेल्धुरा अस्पताल पठाइएको प्रहरीले जनाएको छ।
घटनाको कारणबारे प्रहरीले थप अनुसन्धान सुरु गरेको छ। स्थानीयवासीका अनुसार जीपमा क्षमता भन्दा बढी यात्रु चढाइएकाले पनि दुर्घटनाको जोखिम बढेको हुनसक्ने आशंका गरिएको छ। दुर्घटनास्थलमा प्रहरी र स्थानीयले राति नै उद्धारकार्य सञ्चालन गरेका थिए।
दुर्घटनापछि केही समयसम्म सो सडक खण्डमा सवारी आवागमन अवरुद्ध भएको थियो। अहिले भने सडक सुचारु गरिएको प्रहरीले जनाएको छ।
